Қазақстан Республикасының Үкіметі ҚАУЛЫ ЕТЕДІ:
«Павлодар» арнайы экономикалық аймағын құру туралы» Қазақстан Республикасының Президенті Жарлығының жобасы Қазақстан Республикасы Президентінің қарауына енгізілсін.
Қазақстан Республикасының
Премьер-Министрі К. Мәсімов
Қазақстан Республикасы Президентінің Жарлығы
«Павлодар» арнайы экономикалық аймағын құру туралы
«Қазақстан Республикасындағы арнайы экономикалық аймақтар туралы» Қазақстан Республикасының 2011 жылғы 21 шілдедегі Заңының 7-бабының 8-тармағына сәйкес және химия, мұнай-химия салаларын дамыту мақсатында ҚАУЛЫ ЕТЕМІН:
1. 2036 жылғы 1 желтоқсанға дейінгі кезеңге «Павлодар» арнайы экономикалық аймағы (бұдан әрі – АЭА) құрылсын.
2. Қоса беріліп отырған:
1) АЭА туралы Ереже;
2) АЭА-ның жұмыс істеуінің нысаналы индикаторлары және нысаналы индикаторларға қол жеткізбеудің дағдарысты деңгейі бекітілсін.
3. Қазақстан Республикасының Үкіметі АЭА қызметін қамтамасыз ету жөнінде шаралар қабылдасын.
4. Осы Жарлықтың орындалауын бақылау Қазақстан Республикасы Президентінің Әкімшілігіне жүктелсін.
5. Осы Жарлық қол қойылған күнінен бастап қолданысқа енгізіледі.
Қазақстан Республикасының
Президенті Н. Назарбаев
